नारायणगढ–मुग्लिङ सडक खण्डमा सवारी दुर्घटना, ३ जना घाइते

नारायणगढ–मुग्लिङ सडक खण्डमा बस र ट्रक आपसमा ठक्कर खाँदा तीन जना घाइते भएका छन् । उक्त सडक खण्डको इच्छाकामाना गाउँपालिका ६, कालीखोलामा मुग्लिङबाट नारायणगढतर्फ जाँदै गरेको ना. ६ ख ७०३ नम्बरको ट्रक र नारायणगढबाट आउँदै गरेको नां ४ ख १४१९ नम्बरको बस ठोक्किएको हो ।

अहिले घाइतेहरुको उपचार भइरहेको छ । एक जनालाई पुरानो मेडिकल कलेज भरतपुरतर्फ पठाइएको छ । दुई जनाको स्थानीय मेडिकलमा उपचार गरिएको हो ।

जिल्ला प्रहरी कार्यालयका प्रवक्ता प्रहरी नायव उपरीक्षक नरहरी अधिकारीका अुनसार दुवै सवारी साधन र चालक मुग्लिङ प्रहरीको नियन्त्रणमा राखिएको छ ।

दुर्घटनामा इच्छाकामना ६ कुयलघारीका ६९ वर्षे जीतबहादुर विक, भरतपुर २९ की ४५ वर्षीया लालमाया गुरुङ र गोरखाकी ५२ वर्षे चमेली उपरकोटी घाइते भएका हुन् ।

विकलाई थप उपचारको निम्ति भरतपुर लगिएको हो ।