ट्याङकरको ठक्करबाट पैदलयात्रीेको मृत्यु

कपिलवस्तुको कृष्णनगर नगरपालिका–७ जौबारीमा हिजो बेलुका ट्याङकरको ठक्करबाट पैदलयात्रीको मृत्यु भएको छ ।

मृत्यु हुनेमा स्थानीय ५५ वर्षीय महोमद हनिक रहेका छन् । ठक्करबाट गम्भीर घाइते भएका उनको उपचारका क्रममा बहादुरगञ्जस्थित शिबराज अस्पतालमा मृत्यु भएको प्रहरीले जनाएको छ ।

पैदल हिडिरहेका उनलाई हिजो बेलुकी ७ बजे ना २ क ८१८ नम्बरको पानी ट्याङकरले ठक्कर दिएको थियो ।

ट्याङकरसहित चालकलाई नियन्त्रणमा लिई थप अनुसन्धान गरिरहेको ईलाका प्रहरी कार्यालय कपिलवस्तुले जनाएको छ ।