बसको ठक्करबाट गम्भीर घाइते बालिका अस्पतालमा बितिन्

बाँकेमा बसको ठक्करबाट एक जनाको मृत्यु भएको छ । आज बिहान बैजनाथ गाउँपालिका–१ मा बसले ठक्कर दिँदा बालिकाको मृत्यु भएको हो ।

मृत्यु हुनेमा स्थानीय प्रकाश खड्काकी ४ वर्षीया छोरी प्रज्ञा हुन् । गम्भीर घाइते भएकी उनको उपचारका क्रममा नेपालगञ्ज मेडिकल कलेज कोहलपुरमा मृत्यु भएको प्रहरीले जनाएको छ ।

नम्बर नखुलेको स्कुल बसले आज बिहान १० बजे प्रज्ञालाई ठक्कर दिएको थियो । बससहित फरार रहेका चालकको खोजी भइरहेको इलाका प्रहरी कार्यालय चिसापानीले जनाएको छ ।