प्रख्यात सगरमाथा आरोही नेपाली महिलामाथि अमेरिकी श्रीमानको चरम हिंसा
![प्रख्यात सगरमाथा आरोही नेपाली महिलामाथि अमेरिकी श्रीमानको चरम हिंसा](https://janaaastha.prixacdn.net/media/albums/lakpa_VD3MsVdETj.jpg)
१० पटक सगरमाथा आरोहण गरेकी आरोही लाक्पा शेर्पाले अमेरिकी श्रीमानबाट भोगेको चरम घरेलु हिंसालाई वृत्तचित्रमा समेटिएको छ । ‘माउन्टेन क्विन: द समिट्स अफ लाक्पा शेर्पा’ वृत्तचित्रमा उनको दुःखद जीवनलाई उतारिएको छ ।
वृत्तचित्र जुलाई ३१ मा नेटफ्लिक्समा प्रदर्शन गर्न लागिएको छ । वृत्तचित्रको प्रिमियर शो हालै न्युयोर्क सिटीको आइएफसी सेन्टरमा गरिएको छ ।
उनले सन् २००० मा पहिलो पटक र २०२२ को मे १२ मा दसौँ पटक सगरमाथाको आरोहण गरेकी थिइन् । हाल अमेरिकामा बस्दै आएकी उनले रोमानियन मूलका अमेरिकी श्रीमानबाट चरम घरेलु हिंसा व्यहोरेकी छन् ।
वृत्तचित्रमा लाक्पाको सगरमाथा आरोहण र जीवन संघर्षको सबै पक्षलाई समेटिएको छ । यो वृत्तचित्र निर्देशक लुसी वाकरको निर्देशनमा बनेको हो । उनी दुई पटकसम्म एकेडेमी अवार्ड (ओस्कार) नोमिनेसनमा परेकी थिइन् ।
टिप्पणीहरू