रमाईलो डाँडामा गाडी ठोकिँदा चालक रहेनन्

चितवनमा ट्याङकर र मोटरसाइकल ठोक्किँदा एक जनाको मृत्यु भएको छ । ईच्छाकामना गाउँपालिका-४ रमाईलो डाँडामा हिजो बेलुकी भएको सो दुर्घटनामा मोटरसाइकल चालकको मृत्यु भएको हो ।

गोर्खाको शहिद लखन गाउँपालिका–४ का अन्दाजी २२ बर्षीय सन्तोष चेपाङको घटनास्थलमै मृत्यु भएका हो ।

काठमाडौँबाट मुग्लिनतर्फ जाँदै गरेको प्रदेश ३-०१-०२३ च ५०७४ नम्बरको कारलाई सोही दिशाबाट आउँदै गरेको चेपाङ सवार बा ७५ प ६११६ नम्बरको मोटरसाइकलले ओभरटेक गर्ने क्रममा विपरीत दिशाबाट आउँदै गरेको ना ७ ख १३७१ नम्बरको तेल ट्याङकरमा ठोक्किएको थियो ।

चेपाङको शवलाई पोष्टमार्टको लागि भरतपुर अस्पताल पठाइएको प्रहरीले जनाएको छ । हिजो बेलुकी साढे ७ बजे भएको सवारी दुर्घटनामा संलग्न तीनवटै सवारी साधन र दुई जना चालकलाई नियन्त्रणमा लिई थप अनुसन्धान गरिहेको इलाका प्रहरी कार्यालय मुग्लिनले जनाएको छ ।