बल्खुमा दुई दर्जन एमाले कार्यकर्ताले एकैचोटी भने, ‘नालायक गृहमन्त्री राजीनामा दे’

गृहमन्त्री बालकृष्ण खाँणको राजीनामा माग्दै नेकपा एमालेनिकट विद्यार्थी संगठन अनेरास्ववियुले त्रिभुवन विश्वविद्यालय घेराउ गरेको छ । अखिलका विद्यार्थीहरुले आज उपकुलपति कार्यालयको गेटअगाडि विरोध प्रदर्शन गरेका हुन् ।

विश्वविद्यालयलाई कांग्रेसीकरण गरिएको भन्दै आक्रोशित एमाले विद्यार्थीहरुले चर्को नारावाजीसहित गृहमन्त्रीको राजीनामा मागे । सो क्रममा उनीहरुले ‘त्रिविभित्र भएको बेतिथि अन्त्य गर’, ‘कांग्रेसी गुट अन्त्य गर’,‘नालायक गृहमन्त्री राजीनामा दे’, लगायतका नारा लगाएका थिए ।

विरोध कार्यक्रममा अनेरास्ववियुका अध्यक्ष सुनिता बराल,उपाध्यक्ष कल्पना वाइबा, महासचिव समिक बडाललगायत दुई दर्जन कार्यकर्ता सहभागी छन् ।