बकैया खोलामा १७ पोका गाँजा फालेर तस्करको कुदाकुद,

रौतहट प्रहरीले १ सय ७० किलोग्राम गाँजा बरामद गरेको छ । गौर नगरपालिका–२ बकैया खोला किनारबाट अवैध रूपमा भारततर्फ लैजान लागेको उक्त गाँजा गस्तीमा हिँडेको प्रहरीले फेला पारेको हो ।

१७ वटा पोकामा राखेर नेपालबाट भारततर्फ लैजाँदै गरेको अवस्थामा गाँजा बरामद गरेको प्रहरीले जनाएको छ । अस्थायी प्रहरी पोष्ट महादेवपट्टि र सशस्त्र प्रहरी बलको गौरबाट खटिएको संयुक्त प्रहरी टोलीलाई देख्नासाथ गाँजा छोडेर संलग्नहरू भागेका थिए ।

उनीहरु अहिलेसम्म फरार रहेको र घटनाको अनुसन्धान भैरहेको प्रहरीले बताइएको छ ।