उपत्यकामा एकैदिन साढे तीन हजार ड्राइभरमाथि कारबाही

ट्राफिक नियम उल्लङ्घन गर्ने तीन हजार ५२४ जना सवारी चालक कारवाहीमा परेका छन् । ट्राफिक नियम उल्लङ्घन गर्ने उनीहरु काठमाडौँ उपत्यकाको विभिन्न स्थानबाट कारवाहीमा परेकाे काठमाडौं उपत्यका ट्राफिक प्रहरी कार्यालयले जनाएको छ ।

कारवाहीमा पर्नेमा अनावश्यक हर्न बजाउने २३५ जना, फुटपाथमा पार्किङ गर्ने २६७ जना, मदिरा पिएर सवारी साधन चलाउने १५६ जना, जथाभावी यात्रु चढाउने तथा ओराल्ने ११८ जना र ढोका खुल्लै राखेर सवारी चलाउने ११७ जना सवारी चालक रहेक छन् ।

यस्तै तीव्र गतिमा सवारी साधन चलाउने १०३ जना, अवस्था ठिक नभएका सवारी साधन चलाउने ९५ जना, लेन उल्लङ्घन गर्ने ७९ जना, रातो बत्तीको उल्लङ्घन गर्ने ७३ जना र क्षमता भन्दा बढी यात्रु राख्ने २५ जना चालकलाई पनि कारवाही गरिएको कार्यालयले जनाएको छ ।