पारसको नाममा ट्रायल दिने सविन समातिए

अर्काको नाममा गाडीको ट्रायल परीक्षा दिएको आरोपमा एक युवक समातिएका छन् । दोलखाका पारस भट्टराईको नाममा ट्रायल परीक्षा दिने धादिङका सबिन अधिकारीलाई हिजो प्रहरीले नियन्त्रणमा लिएको हो ।

चन्द्रागिरी नगरपालिका-५ गुर्जुधारास्थित यातायात व्यवस्था कार्यालयको ट्रायल सेन्टरले परीक्षा लिएको थियो । अर्काको नाममा ट्रायल दिएका उनलाई सोही स्थानमा खटिएको प्रहरीले पक्राउ गरेको हो ।

पक्राउ परेका उनलाई प्रहरी प्रभाग बलम्बुमा राखेर आवश्यक अनुसन्धान भइरहेको प्रहरीले जनाएको छ ।