हातहतियार बुझाउने म्याद कात्तिक ५ गतेभित्र

जिल्ला प्रशासन कार्यालय चितवनले इजाजतप्राप्त हातहतियार बुझाउन सम्बन्धित सबैमा अनुरोध गरेको छ । आगामी मंसिर ४ गते हुने प्रतिनिधि सभा र प्रदेश सभा निर्वाचनलाई सुरक्षित बनाउन जिल्लाभित्र रहेका इजाजतप्राप्त हतियार बुझाउन अनुरोध गरिएको बताइएको छ ।

जिल्ला प्रशासन कार्यालये कात्तिक ५ गतेभित्र नजिकको प्रहरी कार्यालयमा हतियार बुझाउन भनिएको छ । हालै बसेको जिल्ला सुरक्षा समितिको बैठकको निर्णयनुसार निर्वाचनपछि फिर्ता हुने गरी इजाजतप्राप्त हतियार बुझाउन सूचना जारी गरिएको हो ।प्रशासनले अनुमतिप्राप्त हतियारबाट निर्वाचनको समयमा शान्ति सुरक्षा खलल हुने आशंका गर्दै उक्त अनुरोध गरेको जारी सूचनामा उल्लेख छ ।