पहिरोमा फसेका दिपकको हेलिकप्टरबाट उद्धार

गोरखामा पहिरोमा फसेका एक जनाको हेलिकप्टरबाट उद्धार गरिएको छ । विगत केही दिनदेखिको अविरल वर्षाका कारण आज चुमनुब्री गाउँपालिका-६ मा गएको पहिरोमा परि घाइते भएका दिपक विकलाई नेपाली सेनाको टोलीले हेलिकप्टरमार्फत उद्धार गरेको हो ।

सुर्खेत घर भएका ४२ वर्षीय दिपकको अवस्था हाल सामान्य रहेको प्रहरीले जनाएको छ । पहिरोसँगै आएको ढुँगा लागेर उनको खुट्टामा सामान्य चोट लागेको प्रहरीले बताएको छ ।