फोहोरको गाडीमा स्कुटर ठोकिँदा चालक सिकिस्त

बाँकेमा रोकिएको फोहोर बोक्ने ट्रकमा स्कुटर ठोकिँदा चालक गम्भिर घाइते भएकी छन् । नेपालगञ्ज उपमहानगरपालिका-२ बागेश्वरी मन्दिर नजिकै आज बिहान भएको सो दुर्घटनामा तारा डिसि घाइते भएकी हुन् ।

घाइते २९ वर्षीय ताराको भेरी अस्पताल नेपालगञ्जमा उपचार भइरहेको प्रहरीले जनाएको छ । भे १ ग १४४ नम्बरको फोहोर बोक्ने ट्रकमा सेतु बिक चोकबाट त्रिभुवन चोकतर्फ जाँदै गरेको भे ११ प ६९१४ नम्बरको स्कुटर ठोकिएको थियो ।
ट्रक चालकलाई जिल्ला प्रहरी कार्यालय बाँकेले नियन्त्रणम लिएको छ ।