महाधिवेशनको अघिल्लो दिन बेइजिङमा भव्य तयारी बैठक

भोलिदेखि शुरु हुन लागेको चिनियाँ कम्युनिष्ट पार्टीको २० औं राष्ट्रिय महाधिवेशनको पूर्व सन्ध्यामा महाधिवेशन तयारी बैठक बसेको छ । राजधानी बेइजिङस्थित ग्रेट हल अफ द पिपुलमा पार्टी महासचिव सी चिन फिङको अध्यक्षतामा बैठक बसेको हो ।

बैठकले प्रतिनिधि प्रत्यायोजन समितिका २२ सदस्य र अध्यक्ष मण्डलका २४३ सदस्यको नामावली अनुमोदन गरेको बताइएको छ ।

बैठकले वाङ हुनिङले महाधिवेशन अवधिभर महासचिवको जिम्मेवारी सम्हाल्ने निर्णय समेत गरेको छ ।

बैठकले महाधिवेशनमा प्रस्तुत गरिने एजेण्डा पारित गरेको छ । प्रतिनिधिहरूले चिनियाँ कम्युनिष्ट पार्टीको १९औं केन्द्रीय समितिको प्रतिवेदन अध्ययन गर्ने, त्यसैगरी १९ औं केन्द्रीय अनुशासन निरीक्षण आयोगको कार्य प्रतिवेदन अध्ययन गर्ने, पार्टीको विधानमाथि विचार विमर्श गर्ने र संशोधन गर्ने त्यसपछि २० औं चिनियाँ कम्युनिष्ट पार्टी केन्द्रीय समिति गठन गर्ने बताइएको छ ।

स्रोत : सिन्ह्वा