राष्ट्र बैंकमा दिनहुँ सेलरोटी, काँग्रेसले कात्तिकभित्रै खुवाउने

मुलकको केन्द्रीय बैंकको मुख्यालय, बालुवाटारमा कात्तिक लागेपछि दिनहुँ सेलरोटी कार्यक्रम आयोजना गरिएको छ । आज बैंक हातामा भाषण गर्दै गभर्नर महाप्रसाद अधिकारीसहित कर्मचारीहरुले सेलरोटी खाएका हुन् ।

एमाले समर्थित कर्मचारी संघले तिहारलगायत चाडपर्वको अवसरमा यस्तो कार्यक्रम आयोजना गरिँदै आएको बताएको छ । हिजो सोही उपलक्ष्यमा माओवादी निकट कर्मचारी संगठनले सेलरोटी पकाएको थियो ।

अधिकारीलाई अर्थमन्त्री जनार्दन शर्माको पहलमा सरकारले पदमुक्तको प्रयास गरेपछि बैंकको कर्मचारी संगठनका कार्यक्रममा सहभागी हुन सकेसम्म गभर्नर इच्छुक नरहेको सोही संगठनका कर्मचारीले बताएका छन् ।

माओवादी संगठनको हिजोको सेलरोटी कार्यक्रमको प्रमुख अतिथि डेपुटी गभर्नर निलम तिम्सिनालाई बनाइएको थियो । आज गभर्नर महाप्रसाद अधिकारीलाई बोलाइएको हो ।

गत चैतमा गभर्नर अधिकारीलाई अर्थमन्त्री जनार्दन शर्माको पहलमा सरकारले पदमुक्तको प्रयास गरेपछि बैंकको कर्मचारी संगठनका कार्यक्रममा सहभागी हुन सकेसम्म गभर्नर इच्छुक नरहेको सोही संगठनका कर्मचारीले बताएका छन् । तर, यस पटक गभर्नर अधिकारी अन्तर्राष्ट्रिय मुद्रा कोषको कार्यक्रममा भाग लिएर अमेरिकाबाट हिजो मात्र स्वदेश फर्कनुभएकाले डेपुटी गभर्नर हिजोको कार्यक्रममा सहभागी हुनुभएको बैंकको उच्च स्रोतले बतायो ।यता बैंकमा रहेको नेपाली काँग्रेस निकट वित्तीय संस्था कर्मचारी संघले भने लगातार रोटी खुवाउँदा कर्मचारीको स्वास्थ्यमा असर पर्ने र बैंकको काममा बाधा पुग्ने जनाउँदै भोलि आयोजना गर्ने भनिएको सेलरोटी कार्यक्रम स्थगित गरेको बताइन्छ । संघका एक जना पदाधिकारीले भने, ‘दिनदिनै रोटी पकाउने, खुवाउने गर्दा बैैंकको काममा बाधा पुगेको देखियो । त्यसैले भोलि नगर्ने निर्णय गरेका हौं । तर कात्तिकभित्रै एक दिन कर्मचारीलाई सेलरोटी खुवाउँछौं ।’