चितवनमा स्कुटर दुर्घटना, चालकको निधन

चितवनमा गएराति स्कुटर दुर्घटना भएको छ । दुर्घटनामा चालकको मृत्यु भएको बताइएको छ ।

रत्ननगर नगरपालिका–११, ओझा चोकमा स्कुटर पल्टिँदा चालकको मृत्यु भएको प्रहरीले जनाएको छ । पदमपुरबाट जिरौनातर्फ जाँदै गरेको बाग्मती प्रदेश–०६–००१ प ९२१७ नम्बरको स्कुटर गएराति १० बजे पल्टिएको हो ।

दुर्घटनामा गम्भीर घाइते भएका ध्रुवराज भट्टराईको उपचारको क्रममा भरतपुर मेडिकल कलेजमा मृत्यु भएको इलाका प्रहरी कार्यालय, टाँडीले जनाएको छ ।