काठमाडौँको कागज कारखानामा आगलागी, १५ लाखको सम्पत्ति खरानी

काठमाडौँको गोकर्णेश्वरस्थित एक कागज कारखानामा आगलागी भएको छ । गोकर्णेश्वर नगरपालिका–८, अत्तरखेल पिपलबस्तीमा रहेको ’भोजपुर हाते कारखाना’ मा आज दिउँसो आगो लागेको हो ।

भोजपुरका रामबहादुर राईले सञ्चालन गर्दै आएको घरेलु कागज उत्पादन गर्ने सो कारखानामा आगलागी हुँदा लाखौँको धनमाल जलेर नष्ट भएको प्रहरीले जानकारी दिएको छ । आगलागीबाट कागज बनाउन प्रयोग हुने बाबियो, लोक्ता, झुरा, हाड्रोजस्ता कच्चा पदार्थ र केमिकल जलेर खरानी भएको छ ।

प्रहरीका अनुसार आगो लाग्नुको कारण थाहा हुन सकेको छैन भने अहिले आगलागी पूर्णरुपमा नियन्त्रणमा आइसकेको छ ।