मोटरसाइकल झन घातक,ठोक्किएर तीन जना ठहरै

सुनसरीको इटहरी–१० मा गए राति दुर्घटना हुँदा तीन जनाको ज्यान गएको छ । दुई वटा मोटरसाइकल आपसमा ठोकिँदा तीन जनाको मृत्यु भएको हो ।

विराटनगरबाट इटहरीतर्फ आउँदै गरेको को.४ प १४१० नम्बरको मोटरसाइकल र इटहरीबाट विराटनगरतर्फ जाँदै गरेको प्रदेश १–०२–०४१ प ४४११ नम्बरको मोटरसाइकल ठोक्किँदा तीन जनाको मृत्यु भएको बुझिएको छ ।

इलाका प्रहरी कार्यालय इटहरीका नायव उपरीक्षक खगेन्द्रबहादुर खड्काका अनुसार दुर्घटनामा मोरङको बूढीगंगा गाउँपालिका १ का ३० वर्षीय ओजराज लुइँटेल,धरान १५ का ४० वर्षीय राजन राई र ३२ वर्षीय शम्भु राईको ज्यान गएको छ ।

तीनै जनाको उपचार क्रममा विराटनगरस्थित आर्य न्यूरो हस्पिटलमा मृत्यु भएको डिएसपी खड्काले बताए ।