सन्दिप लामिछानेलाई केन्द्रीय कारागार पुर्याइयो

उमेर नपुगेकी किशोरी बलात्कार गरेको अभियोग लागेका नेपाली राष्ट्रिय क्रिकेट टोलीका पूर्वकप्तान सन्दिप लामिछानेलाई सुन्धारा (जगन्नाथ देवल) स्थित केन्द्रीय कारागार लगिएको छ ।

काठमाडौं जिल्ला अदालतका न्यायाधीश माधव घिमिरेको एकल इजलासले उनलाई केही दिनको सुनुवाइ र वयानपछि पुर्पक्षका लागि थुनामा राख्न आदेश दिएसङ्गै जेल चलान गरिएको हो ।

उनलाई कारागार लगिसकेको अदालतका सूचना अधिकारी दिपक दाहालले जानकारी दिए । काठमाडौंको गौशालास्थित एक होटलको कोठामा सन्दिपले आफूलाई रातभर बलात्कार गरेको आरोपमा १७ वर्षीया नाबालिगको नातेदारले गत भदौ २१ गते प्रहरी वृत्त गौशालामा उजुर हालेका थिए ।

तर,विदेशमा रहेका कारण सन्दिपलाई गत असोज २० गते त्रिभुवन अन्तर्राष्ट्रिय विमानस्थलको अध्यागमन कक्षबाट प्रहरी नियन्त्रणमा लिइएको थियो ।