श्रीमतीलाई मरणासन्न बनाउने श्रीमान् प्रहरी खोरमा

तुलसीपुरमा श्रीमानको कुटाइबाट श्रीमती गम्भीर घाइते भएकी छन् । तुलसीपुर उपमहानगरपालिका–९, बेलुवा निवासी ३२ वर्षीया पार्वती रोकालाई श्रीमान्ले निर्घात कुटपिट गरेका हुन् ।

इलाका प्रहरी कार्यालय तुलसीपुरका अनुसार श्रीमती कुट्ने ४३ वर्षे श्रीमान ज्ञानु रोका हुन् । कुटपिटबाट श्रीमतीको टाउको र पेटमा गम्भीर चोट लागेको छ ।

घाइते पार्वतीलाई राप्ती प्रादेशिक अस्पताल तुलसीपुरमा उपचार सम्भव नभएपछि थप उपचारका लागि कोहलपुर पठाइएको छ । पीडक श्रीमानलाई प्रहरी हिरासतमा राखिएको प्रहरीले जनाएको छ ।