आगलागीमा परेका बालकको अस्पताल नपुग्दै निधन
भोजपुरमा आगलागीमा परेर गम्भीर घाइते बालकको उपचार गर्न लैजाँदा बाटोमै मृत्यु भएको छ ।
मृत्यु हुनेमा हतुवागढी गाउँपालिका ५ का सन्तकुमार राईको ५ वर्षीय छोरा आयुष राई हुन् । घरमा भएको आगलागीमा परेर आयुष गम्भीर घाइते भएँका थिए ।
आज बिहान उनलाई उपचारको निम्ति धरान लैजाँदै गर्दा बाटोमै मृत्यु भएको जिल्ला प्रहरी कार्यालय भोजपुरले जानकारी दिएको छ ।
आगलागीमा परेर सन्तकुमारकी पत्नी ३० वर्षीया आशा राई पनि घाइते भएकी छन् । उनको धरानम उपचार भइरहेको छ ।
हिजो साँझ साढे ६ बजेतिर ग्यास चुहिएर आगो लागेको अनुमान गरिएको छ । आगलागीपछि घर जलेर ध्वस्त भएको छ । क्षतिको यकिन विवरण प्राप्त हुन बाँकी रहेको प्रहरीले जनाएको छ ।
ट्रेन्डिङ पोस्ट
टिप्पणीहरू