लागूऔषध ओसारपसारमा दम्पती संलग्न

अवैध लागूऔषध ओसारपसारमा संलग्न रहेको आरोपमा एक दम्पती समातिएका छन् । वीरगञ्ज महानगरपालिका–१६, शंकराचार्य गेट नजिकैबाट लागूऔषध नाइट्राभेटसहित उनीहरुलाई गएराति प्रहरीले पक्राउ गरेको बताइएको छ ।

पक्राउ पर्नेमा ललितपुर महानगरपालिका–१४ बस्ने ४४ वर्षीय रमेश चित्रकार र उनकी श्रीमती ३० वर्षीया मिना घले हुन् । उनीहरुको साथबाट २ हजार ३ सय ९८ थान नाइट्राभेट बरामद गरिएको प्रहरीले जनाएको छ ।

प्रहरी चौकी इनर्वाबाट खटिएको टोलीले जाँच गर्ने क्रममा उक्त लागूऔषध फेला परेको हो ।