वडा कार्यालयको कम्प्युटर सेट हरायो

कपिलवस्तुको महाराजगञ्ज नगरपालिका–२ को वडा कार्यालयमा चोरी भएको छ । कार्यालयबाट कम्प्युटर मोनिटर दुई थान, स्क्यानर एक थान, माउस दुई थान र मल्टिप्लग एक थान गरी करिब एक लाख रुपैयाँ बराबरको चोरी भएको बताइएको छ ।

चोरीमा संलग्न तर फरार व्यक्तिहरूको खोजी भइरहेको जिल्ला प्रहरी कार्यालय, कपिलवस्तुले जनाएको छ । स्थानीय र जनप्रतिनिधि सबै चुनावी माहौलमा होमिएको बेलामा वडा कार्यालयमा चोरी भएको हो ।