हेलिकप्टर चढ्नुअघि प्रधानमन्त्रीले गर्नुभयो काँग्रेस प्रवक्तासँग कुराकानी

प्रधानमन्त्री शेरबहादुर देउवा र नेपाली काँग्रेसका प्रवक्ता डा. प्रकाशशरण महतबीच आज बिहान भेटवार्ता भएको छ । उहाँहरुबीच प्रधानमन्त्रीको सरकारी निवास बालुवाटारमा झण्डै आधा घण्टा छलफल भएको बताइन्छ । 

प्रधानमन्त्री देउवासँग भेटवार्ता गर्न नेपाली काँग्रेसका नेता महत बिहान पौने १० बजे त्यहाँ पुग्नुभएको थियो । 

कुराकानीपछि प्रधानमन्त्री देउवा हेलिकप्टरमा नवलपरासीतर्फ जानुभएको हो । नवलपरासीमा आयोजित डलर अर्बपति तथा काँग्रेस उम्मेदवार विनोद चौधरीको चुनावी सभालाई सम्बोधन गर्न उहाँ नेपाली सेनाको हेलिकप्टरमा बिहान सवा ११ बजेको समयमा बालुवाटारबाट प्रस्थान गर्नुभएको थियो ।

प्रधानमन्त्रीसँगै माओवादी अध्यक्ष पुष्पकमल दाहाल प्रचण्डलगायत नौ जना सेनाको कलसाइन एनए ०५८ भएको अगुस्टा हेलिकप्टरमा त्यता जानुभएको हो ।