ठमेलमा गुजुल्टिएका तार काटिदैँ

काठमाडौँको ठमेलमा अव्यवस्थित तार हटाइने भएको छ । ठमेल पर्यटन विकास परिषद्को अगुवाइमा हिजोदेखि बिजुलीको पोलमा गुजुल्टिएका  तारहरु हटाउन सुरु गरिएको हो । 

तार हटाउने अभियानमा काठमाडौँ महानगरपालिका, वडा कार्यालय तथा नेटवर्क व्यवसायीहरुले परिषद्लाई सहयोग गरेका छन् । परिषद्का अध्यक्ष भवि शर्माले हिजोदेखि ठमेलका विभिन्न स्थानमा रहेका अव्यवस्थित तारहरु हटाउन थालिएको बताए । 

उनले भने, ‘अहिलेसम्म हामीले १६ ट्रिप तार काटिसकेका छौँ र नयाँ वर्ष आउनुभन्दा अगाडि हामी सबै अव्यवस्थित तारहरु काटिसक्छौँ ।’