गाँजाको ट्रक छाडेर तस्करको भागाभाग

हेटौडाबाट पर्साको विजय बस्तीतर्फ जाँदै गरेको गाँजा बोकेको ट्रक प्रहरीले समातेको छ । पर्साको ठोरी गाउँपालिका–३ ठुटेखोला इलाकाबाट करिब तीन सय ६३ केजी गाँजासहित ना ४ ख ६५५५ नम्बरको ट्रक प्रहरीले नियन्त्रणमा लिएको हो । 

सशस्त्र प्रहरी बल २ नम्बर छिन्नमस्ता बाहिनी मुख्यालयको विशेष सूचनाको आधारमा बिओपी ठोरीले ट्रकमा फल्स वटन प्रयोग बनाई २२ वटा कार्टुनमा प्याक गरी लैजाँदै गरेको अवस्थामा गाँजा र ट्रक नियन्त्रणमा लिएको हो ।

उक्त ट्रकका चालक सशस्त्र प्रहरीलाई देख्नासाथ ट्रक ठाउँमा छाडेर फरार भएका थिए । बरामद गाँजा तथा ट्रक आवश्यक कारवाहीको लागि इलाका प्रहरी कार्यालय ठोरीमा बुझाइएको छ ।