इलामका धनराज झापामा समातिए

झापामा लागूऔषधसहित एक व्यक्ति पक्राउ परेका छन् । इलामको फाकफोकथुम गाउँपालिका–४ घर भई हाल झापाको दमक नगरपालिका–१ कुमाल चोक बस्ने ३९ वर्षीय धनराज आलेलाई आज प्रहरीले पक्राउ गरेको हो ।
 

इलाका प्रहरी कार्यालय दमकबाट खटिएको टोलीले मे. ७ प. ५१०७ नम्बरको एफजेट मोटरसाइकल चेकजाँच गर्ने क्रममा मोटरसाइकलमा सवार आलेको साथबाट ८ सय मिलिग्राम ब्राउन सुगर फेला परेको जनाएको छ । 

पक्राउ परेका उनीमाथि थप अनुसन्धान भइरहेको जिल्ला प्रहरी कार्यालय, झापाले जानकारी गराएको छ ।