सुर्खेतमा हाइलक्स खस्दा दैलेखका चार जनाको प्राणान्त
सुर्खेतमा हाइलक्स गाडी दुर्घटना हुँदा चार जनाको ज्यान गएको छ । छिन्चुबाट सुर्खेत आउँदै गरेको उक्त गाडी आज बिहान वीरेन्द्रनगर-११ झुप्राखोलास्थित रत्न राजमार्गमा दुर्घटना हुँदा अर्का एक जना घाइते भएका छन् ।
गाडी अनियन्त्रित भई सडकबाट अन्दाजी ८० मीटर तल झर्दा त्यसमा सवार चार जनाको ज्यान गएको प्रहरीले बताएको छ । प्रहरीले घाइतेको तत्काल उद्धार गरी कर्णाली प्रदेश अस्पताल सुर्खेत पठाएकोमा उपचारकै क्रममा उनीहरुको मृत्यु भएको हो ।
मृत्यु हुनेहरुमा गाडी चालक वीरेन्द्रनगर-७ का २७ वर्षीय सागर शाही, दैलेखको डुङ्गेश्वर गाउँपालिका-५ का ३३ वर्षका दिपेन्द्रजंग शाही, दैलेखकै भगवतिमाई गाउँपालिका-५ का ३१ वर्षीय बबिन शाही र गुराँस गाउँपालिकाका-३ का ३६ वर्षीय राजेन्द्र बिसी छन् । भैरवी गाउँपालिका५ का २५ वर्षीय वीरेन्द्रराज शाही घाईते छन् ।
टिप्पणीहरू