ट्रकले हिर्काउँदा स्कुटर चालकको ज्यान गयो
ट्रकको ठक्करले इटहरीमा एक महिलाको ज्यान गएको छ । इटहरी–५ की २५ वर्षीया तारा निरौलाको आज दिउँसो भएको दुर्घटनामा ज्यान गएको बताइएको छ ।
कोशी राजमार्गमा ६ ना ५ ख ४५५३ नम्बरको ट्रकले धरानतर्फ गइरहेको को. २१प ५४७७ नम्बरको स्कुटरलाई ठक्कर दिँदा निरौला गम्भीर घाइते भएकी थिइन् । उपचारार्थ धरानस्थित बिपी कोइराला स्वास्थ्य विज्ञान प्रतिष्ठानमा लगिएकोमा निजको उपचारको क्रममा मृत्यु भएको हो ।
इलाका प्रहरी कार्यालय इटहरीका प्रहरी नायव उपरीक्षक माधवप्रसाद काफ्लेका अनुसार ट्रक र चालकलाई प्रहरीले नियन्त्रणमा लिएको छ ।
टिप्पणीहरू