भारतीय विदेश सचिवको टोलीमा चार जना

भारतीय विदेश सचिव विनयमोहन क्वात्रा तीन दिने नेपाल भ्रमणमा वायुसेनाको विशेष उडानबाट काठमाडौं आएका छन् । बिहान पौने एघार बजे त्रिभुवन अन्तर्राष्ट्रिय विमानस्थलमा अवतरण गरेको विमानमा क्वात्रासहित चार जना रहेको बुझिएको छ ।

टोलीमा रोहित मिश्र, अश्विन भाष्करण र अनुराग श्रीवास्तव छन् । मिश्र भारतीय विदेश मन्त्रालयमा सहसचिव छन् । पहिले काठमाडौंस्थित भारतीय दूतावासमा प्रथम सचिव थिए । उनी यसअघि भुटानका लागि भारतीय राजदूतसमेत थिए । 

त्यसैगरी अश्विन भाष्करण विदेश मन्त्रालयको उत्तर डेस्क हेर्ने उपसचिव हुन् । उक्त डेस्कले नेपाल,भुटान हेर्ने गर्छ । अनुराग श्रीवास्तव भने विदेश मन्त्रालयका प्रवक्ता हुन् ।