परराष्ट्र मन्त्रालयमा दुई जना राजदूत, ऊर्जामा एक जना

परराष्ट्र सचिव भरतराज पौड्यालसँग नेपालका लागि जर्मनीका राजदूतले भेट गरेका छन् । सचिव पौड्यालसँग राजदूत डा. थोमस प्रिन्जले आज बिहान ११ बजेको समयमा भेटवार्ता गरेका हुन् ।

आजै परराष्ट्र मन्त्रालयमा सहसचिव सेवा लम्सालसँग नेपालका लागि ब्राजिलका राजदूतले पनि सोही समयमा भेट गरेका छन् । सहसचिव लम्साल र राजदूत कार्लोस अल्बर्टो मिचेल्सेन डेन हार्टोगबीच झण्डै आधा घण्टा कुराकानी भएको हो ।

उता, सिंहदरबारस्थित उपप्रधान एवम् ऊर्जा, जलस्रोत तथा सिंचाइमन्त्री राजेन्द्र लिङदेनसँग नेपालका लागि अष्ट्रेलियाका राजदूले पनि बिहान कार्यालय खुलेलगत्तै भेटेको मन्त्रालय स्रोतले बताएको छ ।