मकवानपुरमा गाँजा ओसार्नेहरु धमाधम पक्राउ

मकवानपुरमा गाँजा ओसारपसारमा संलग्न पाँच जनालाई प्रहरीले पक्राउ गरेको छ । बाराको बौदिमाई नगरपालिका–४ का २० वर्षीय राजकुमार रामसहित चार जनालाई ४० केजी गाँजासहित नियन्त्रणमा लिइएको बताइएको छ । 

त्यस्तै, हेटौंडा उपमहानगरपालिका–१९ का १९ वर्षीय नवराज थिङ पनि ६० ग्राम गाँजासहित समातिएका छन् । प्रहरी चौकी बसामाडी लेवटबाट खटिएको टोलीले उनीहरुलाई हेटौंडा उपमहानगरपालिका–१९, बस्तिपुरस्थित सडकबाट नियन्त्रणमा लिएको हो ।

प्रहरीका अनुसार बा.२१ च ९३२६ नम्बरको गाडी जाँच गर्ने क्रममा चालक राजकुमारसहित चार जना उक्त परिमाणको गाँजासहित पक्राउ परेका हुन् । त्यस्तै, ना.२१ प १०९० नम्बरको मोटरसाइकल जाँच गर्ने क्रममा प्रहरीले ६० ग्राम गाँजासहित चालक नवराजलाई नियन्त्रणमा लिएको हो ।