नयाँ दिल्ली उड्न लागेका टर्किसको झोलामा साउदी रियाल

काठमाडौंबाट नयाँ दिल्लीतर्फ उड्न लागेका एक जना टर्किस नागरिकको साथबाट ठूलो परिमाणमा साउदी रियाल फेला परेको छ । दिउँसो सवा २ बजे एअर इण्डियाको उडानमा त्यसतर्फ जान लागेका हैदर कायान सारिकाकमाकको साथबाट एक लाख २६ हजार साउदी रियाल बरामद गरिएको बताइएको छ ।

टर्किस पासपोर्ट नम्बर यु२६९२०२८२ बोकेका सारिकाकमाकको ह्याण्ड ब्याग सुरक्षाकर्मीले जाँच गर्ने क्रममा निजलाई उक्त विदेशी मुद्रासँगै प्रहरीले पक्राउ गरेको हो । प्रहरीले उनीमाथि थप अनुसन्धान तथा आवश्यक कारबाहीको थालिएको जनाएको छ ।