निदालमा पासो लगाएर बिनुले ज्यान फालिन्
सिन्धुपाल्चोकमा एक महिलाले आफ्नै घरमा आत्महत्या गरेकी छन् । भोटेकोशी गाउँपालिका–५, ट्याङथलीकी ३३ वर्षीया बिनु कार्कीले कोठाको निदालमा डोरीको पासो लगाएर आज आत्महत्या गरेकी हुन् ।
बिहान साढे ११ बजे घरमा कोही नभएको समयमा उनी झुण्डिएको अवस्थामा फेला परेकी थिइन् । इलाका प्रहरी कार्यालय बाह्रबिसेबाट खटिएको टोलीले घटनाबारे अनुसन्धान गरिरहेको र आत्महत्याको कारणबारे केही नखुलेको जनाइएको छ ।
बिनु श्रीमान देवीबहादुर कार्कीसहित दुई छोरा र एक छोरीसँग बस्दै आएकी थिइन् ।
टिप्पणीहरू