काभ्रेको चौंरी देउरालीका आधा दर्जन पसलमा चोरी

काभ्रेपलाञ्चोकको चौंरी देउराली गाउँपालिकाका विभिन्न पसलमा चोरी भएको छ । पालिकाको वडा नम्बर ६ स्थित कात्तिके देउराली बजारका पसलहरुमा गएराति चोरी भएको हो ।

जिल्ला प्रहरी कार्यालय, काभ्रेपलाञ्चोकका प्रहरी नायब उपरीक्षक डुन्डीराज न्यौपानेले कात्तिके देउराली बजारमा चोरी भएको बताए । उनका अनुसार प्रारम्भिक अनुसन्धानका क्रममा बजारका ६/७ पसलमा रडको प्रयोगबाट ताला फुटाएर चोरी भएको पाइएको छ । 

उनले भने, ‘बजारका पसलहरुमा चोरी भएको सूचना पाउना साथ प्रहरी निरीक्षकसहितको टोली अनुसन्धानका लागि घटनास्थलमा खटिएको छ ।’  तर, हालसम्म क्षतिको विवरण आईनसकेको डिसएपी न्यौपानेले जानकारी दिए ।