शिवरात्रिमा बेपत्ता भएका किशोरको शव नारायणी किनारमा
चितवनमा एक किशोर मृत अवस्थामा फेला परेका छन् । भरतपुर महानगरपालिका वडा नम्बर १६, काभ्रेघाटस्थित नारायणी नदीमा आज बिहान ती किशोरको शव भेटिएको हो ।
सोही महानगरपालिका १० बस्ने हरिबहादुर थापाका १६ वर्षीय छोरा रितेश थापा नदीमा नुहाउने क्रममा बेपत्ता भएका थिए । भरतपुर माध्यमिक विद्यालयमा कक्षा ९ मा अध्ययनरत उनी गत शनिबार नारायणीमा नुहाउन गएको बताइन्छ ।
नुहाउने क्रममा बेपत्ता भएपछि शरणपुर पोष्टबाट प्रहरी सहायक निरीक्षक र वडा प्रहरी कार्यालय नारायणगढको कमाण्डमा खटिएको टोलीले खोजी कार्यलाई अघि बढाएको थियो । सोही क्रममा आज बिहान शव फेला परेपछि प्रहरीेले थप अनुसन्धान अघि बढाएको छ ।
टिप्पणीहरू