पत्नी हत्यामा संलग्न श्रीमान खुकुरी बोकेर प्रहरी सामुन्ने

खुकुरी प्रहार गरेर पत्नीको हत्या गरेका उदयपुर बेलका नगरपालिका ९ भचुवाका २७ वर्षीय विनोद पौडेललाई प्रहरीले पक्राउ गरेकोे छ । 

पौडेलले हिजो बिहान २० वर्षीया युनिशा खत्री पौडेलको हत्या गरेका थिए । बिहान खाना खाएपछि बेलका नगरपालिका–६ स्थित जाल्पा वाबुङ्ला रमिते सामुदायिक वनमा सँगै घाँस काट्न गएको समयमा पौडेलले खुकुरी प्रहार गरेर  श्रीमतीको हत्या गरेका हुन् । 

त्यसपछि आफूले श्रीमतीको हत्या गरेको जानकारी गराएपछि पौडेललाई इलाका प्रहरी कार्यालय रामपुर ठोक्सिलाले घटनामा प्रयोग गरेको खुकुरीसहित पक्राउ गरेको हो । युनिशाको शव पोष्टमार्टमको निम्ति धरान घोपा पठाइएको छ । घटना सम्बन्धमा थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।