आगलागीमा परेका दुबै जनालाई हेलिकोप्टरमा काठमाडौं ल्याइयो
अछाममा अस्ति भएको आगलागीमा परेका दुबै जना घाइतेलाई काठमाडौं ल्याइएको छ । आगलागीबाट सख्त घाइते दुबै जनालाई सुर्खेत अस्पताल पुर्याइएको थियो ।
तर दुबै जनाको अवस्थामा सुधान नभएपछि आज हेलिकोप्टरमा राजधानी ल्याइएको हो । आगलागीमा अछामको पञ्चदेवल बिनायक नगरपालिका–८ कोसेडीका २१ वर्षे हिमराज रोका मगर र १९ वर्षे पिरम रोकामगर गम्भीर घाइते भएका हुन् ।
हिमराजको शरीर झण्डै ८० प्रतिशत र पिरमको ३५ प्रतिशत जलेको बताइएको छ । उनीहरुलाई नेपाली सेनाको हेलिकोप्टरमा कीर्तिपुरस्थित बर्न अस्पताल ल्याइएको हो ।
टिप्पणीहरू