मामालाई दुई टुक्रा पारेका भान्जा पक्राउ
मामाको हत्या गरेकोे आरोपमा प्रहरीले धनकुटाबाट एक युवालाई पक्राउ गरेकोे छ । उक्त अभियोगमा धनकुटा ५ घर भएका २२ वर्षीय निरज कटुवाल प्रहरी नियन्त्रणमा पुगेका हुन् ।
उनले गत बिहीबार रातको समयमा स्थानीय ७० वर्षीय मानबहादुर बस्नेतको हत्या गरेका थिए । धारिलो हतियारको प्रयोग गरेर हत्या गरेपछि उनी फरार भएका थिए ।
साइनोमा मामा पर्ने बृद्वा बस्नेतको टाउको र शरीर दुई टुक्रा पारेर फरार रहेको अवस्थामा कटुवाललाई पक्राउ गरिएको जिल्ला प्रहरी कार्यालय धनकुटाले जनाएको छ ।
ट्रेन्डिङ पोस्ट
टिप्पणीहरू