पाल्पामा आज सार्वजनिक बिदा, गुल्मीका तीन पालिकामा पनि छुट्टी

पाल्पा जिल्लामा आज सार्वजनिक बिदा दिइएको छ । मगर दिवसको उपलक्ष्यमा जिल्लाका सबै स्थानीय तहले आज सार्वजनिक बिदा दिएका हुन् । 

दुई नगरपालिकासहित दश स्थानीय तहले स्थानीय बिदाको घोषणा गरेको जनाइएको छ । नेपाल मगर संघ स्थापनाको ४१ औँ मगर दिवस जिल्लाभर विविध कार्यक्रमसहित मनाउन बिदा दिइएको हो ।

पाल्पामा मगर समुदायको बाहुल्यता छ । उता गुल्मीका तीन स्थानीय तहले पनि सार्वजनिक बिदा दिएका छन् । मगर दिवसको अवसरमा चन्द्रकोट, काली गण्डकी र सत्यवती गाउँपालिकाले बिदाको घोषणा गरेका हुन् ।