आँबुखैरहनी–दमौली सडक हरेक दिन चार घण्टा बन्द

पृथ्वी राजमार्गअन्तर्गत तनहुँको आँबुखैरहनी–दमौली सडकखण्ड आजदेखि दैनिक चार घण्टा बन्द हुने भएको छ । 

विमलनगरदेखि दमौलीको घाँसीकुवा सडकखण्डमा भित्तो काट्ने काम गर्नुपर्ने भएकाले राजमार्ग बन्द हुने मुग्लिन–पोखरा सडक योजना (पूर्वी खण्ड) तनहुँले जनाएको छ । 

आयोजनाका अनुसार उक्त सडकखण्ड आजदेखि दश दिनसम्मका लागि राति १२ बजेदेखि बिहान ४ बजेसम्म बन्द हुने भएको हो । त्यसैले, सो समयभन्दा अगाडी वा पछाडि मात्रै यात्रा गर्न आयोजनाले आग्रह गरेको छ ।