माओवादीले भन्यो : पञ्चा सिंहको अखिल आधिकारिक

नेकपा माओवादी केन्द्रले पञ्चा सिंहले नेतृत्व गरिरहेको अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) आधिकारिक भएको बताएको छ । पार्टी महासचिव देवप्रसाद गुरुङ्गले त्रिभुवन विश्वविद्यालयसहित अन्य सबै विश्वविद्यालयलाई पत्राचार गर्दै सिंहले नेतृत्व गरिरहेको संगठन आधिकारिक भएको जनाएका हुन् ।

‘उपरोक्त विषयमा हाम्रो पार्टीको भातृ संगठन अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) को अध्यक्ष पञ्चा सिंहले नेतृत्व गरिरहनुभएको विद्यार्थी संगठन हाम्रो पार्टीको आधिकारिक भातृ संगठन भएको जानकारी गराइन्छ’, पत्रमा भनिएको छ ।

आफ्नो विद्यार्थी संगठनको जस्तो नाम भएका अरु संगठनले गर्दा भ्रम श्रृजना भएपछि माओवादीले विश्वविद्यालयहरुलाई पत्राचार गरेको हो ।