पोखरीमा डुबेका बालकको बाटोमा मृत्यु
मोरङको पोखरीमा डुबेका एक बालकको मृत्यु भएको छ । पथरी शनिश्चरे नगरपालिका ५ स्थित पोखरीमा डुबेका ती बालकको मृत्यु भएको बताइएको छ । इलाका प्रहरी कार्यालय पथरीका अनुसार शनिश्चरे ५ का अनिश आचार्यको अढाई वर्षीय छोरा आईस आचार्य हिजो घर नजिकैको पोखरीमा डुबेका हुन् ।
खेल्ने क्रममा पोखरीमा डुबिरहेको अवस्थामा उनको बुबाले फेला पारेका हुन् । उपचारार्थ उर्लाबारीस्थित अरनिको अस्पताल लगिएकोमा उपचार हुन नसकेपछि थप उपचारको निम्ति एड्भान्स अस्पताल दमक लैजाने क्रममा आज बाटोमा नै मृत्यु भएको बताइएको छ ।
घटनाबारे थप अनुसन्धान भइरहेको प्रहरीले जनाएको छ ।
टिप्पणीहरू