भोलि कालिमाटीमा तरकारी किनबेच नहुने

कालिमाटीस्थित तरकारी तथा फलफूल बजार भोलि पूर्णरुपमा बन्द गरिने भएको छ । कालिमाटी तरकारी तथा फलफूल थोक बजार व्यावसायिक संस्थाले उक्त निर्णय गरेको हो । 

२०६८ साल फागुन २० गते तरकारी बजारमा लागेको आगलागीबाट भएको धनजनको क्षतिको दुःखद सम्झनामा एक दिनका लागि कारोबार बन्द गर्न लागिएको संस्थाले जनाएको छ । ६ जनाको ज्यान जानेगरी भएको उक्त आगलागीमा करोडौं मूल्यको तरकारी तथा फलफूल र भौतिक संरचना नष्ट भएको थियो ।