सशस्त्र प्रहरी महानिरीक्षक स्वेदश फिर्ता

सशस्त्र प्रहरी बल नेपालका महानिरीक्षक राजु अर्याल स्वदेश फर्कनुभएको छ । उहाँ दक्षिण सुडानमा कार्यरत सशस्त्र प्रहरी बलको मिसनको निरीक्षणलगायत विभिन्न कार्यक्रममा सहभागी भएर आज साँझ काठमाडौं आइपुग्नुभएको बताइएको छ ।

उहाँसहित चार जनाको टोली फ्लाई दुबईको उडान नम्बर एफजेट ५७५ मा दुबई हुँदै आउनुभएको हो । उहाँ गत सोमबार राति त्यसतर्फ जानुभएको थियो ।

महानिरीक्षक अर्याल मेडल परेडमा सहभागी हुन दक्षिणी सुडान जानुभएको थियो । सोही क्रममा उहाँले हालै डिआईजीमा बढुवा भएका एसएसपी सुरेशकुमार श्रेष्ठलाई दक्षिणी सुडानमा नै दर्ज्यानी चिन्ह प्रदान गर्नुभएको हो ।