भोट माग्दै खनाल निवासमा पौडेल
आगामी बिहीबार हुने राष्ट्रपतीय निर्वाचनमा उम्मेदवार रहेका काँग्रेस वरिष्ठ नेता रामचन्द्र पौडेल नेकपा एकीकृत समाजवादीका सम्मानित नेता झलनाथ खनालको निवास पुगेका छन् । उनी आगामी निर्वाचनमा आफूलाई भोट माग्दै खनालसँग भेटवार्ताको निम्ति डल्लु पुगेका हुन् ।
सत्तारुढ आठदलीय गठबन्धनको साझा उम्मेदवार रहेका पौडेललाई एकीकृत समाजवादीको पनि समर्थन छ । तर,राष्ट्रपति उम्मेदवार मनोनयन गर्ने बेला मुलुक बाहिर रहेका कारण स्वदेश फर्केपछि खनालले चर्को असन्तुष्टि जनाएका कारण पौडेल आज भोट माग्दै डल्लु गएको आकलन छ ।
राष्ट्रपति निर्वाचनमा पौडेलबाहेक एमालेको तर्फबाट उपाध्यक्ष तथा संविधान सभा अध्यक्ष सुवासचन्द्र नेम्वाङ पनि उम्मेदवार हुनुहुन्छ ।
ट्रेन्डिङ पोस्ट
टिप्पणीहरू