राष्ट्रपति निर्वाचनको परिणामपछि राति बालकोटमा गहन छलफल
आज साँझ सम्पन्न राष्ट्रपतीय निर्वाचनपछि एमाले अध्यक्ष केपी शर्मा ओलीको निवास बालकोट, भक्तपुरमा शीर्ष नेताहरुबीच छलफल भएको छ । साँझ ८ बजेपछि राति अबेरसम्म भएको कुराकानीमा एमाले अध्यक्षसँगै उपाध्यक्ष एवम् राष्ट्रपति निर्वाचनमा पराजित उम्मेदवार सुवासचन्द्र नेम्वाङ पनि उपस्थित हुनुभएको बताइन्छ ।
आजको कुराकानीमा वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल र कार्यालय सचिव भीष्म अधिकारी पनि सहभागी हुनुभएको हो । राष्ट्रपति निर्वाचनमा नेपाली काँग्रेसका वरिष्ठ नेता रामचन्द्र पौडेल ३३ हजार ८०२ मतभार पाएर निर्वाचित हुनुभएको छ । उहाँलाई संघीय संसदका २१४ सांसद र प्रदेशसभाका ३५२ सदस्यले मत दिएका हुन् । नेपाली काँग्रेस, माओवादी केन्द्र, जसपा, एकीकृत समाजवादी, राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चाले पौडेलको पक्षमा मतदान गरेका थिए ।
एमाले उम्मेदवार नेम्वाङले १५ हजार ५१८ मतभार पाउनुभयो । उहाँलाई संघीय संसदका ९६ जना र प्रदेशसभाका १६२ सांसदले मत दिएका हुन् ।
ट्रेन्डिङ पोस्ट
टिप्पणीहरू