हिजो सङ्गै बस्दा तानातान,आज खुुकुरी हानाहान

त्रिभुवन विश्वविद्यालय मातहतका अधिकांश क्याम्पसमा हिजो विद्यार्थी युनियनको निर्वाचननिम्ति मनोनयन दर्ता भएको छ । ११ सयभन्दा बढी क्याम्पसमध्ये अधिकांशमा मनोनयनको काम सम्पन्न भएको, केहीमा निर्विरोध र केहीमा मनोनयन अवरुद्ध भएको छ ।

सोही क्रममा हिजो राजधानीकै एउटा क्याम्पसमा खुकुरी प्रहार भएको बताइन्छ । भृकुटीमण्डपस्थित रत्नराज्यलक्ष्मी क्याम्पसमा दिउँसो एमालेनिकट अखिलमाथि एकीकृत समाजवादी निकट अखिलका एक जना विद्यार्थीले खुकुरी तेर्साएको आरोप छ ।

एकीकृत समाजवादीका सोही कलेजमा अध्यनरत २८ वर्षे विजय साउदले एमालेनिकट विद्यार्थी समूहलाई खुकुरी हान्न खोजेको बताइन्छ । त्यसपछि प्रहरीले साउदलाई नियन्त्रणमा लिएर सिंहदरवार वृत्त लगेको एमाले अखिलको भनाइ छ ।