चिनियाँ व्यापारीको टोली ढाका हुँदै काठमाडौँ ओर्लियो
चिनियाँ व्यापारी तथा चाइना काउन्सिल फर प्रमोसन अफ इन्टरनेशनल ट्रेड (सिसीपीआइटी) का उपाध्यक्ष झाङ साओगाङ नेतृत्वको सात सदस्यीय टोली काठमाडौँ आइपुगेको छ ।
चार दिने नेपाल भ्रमणका लागि विमान बंगलादेशको जहाजबाट ढाका हुँदै चिनियाँ टोली आज बिहान काठमाडौँ ओर्लिएको हो । भ्रमण दलमा उपाध्यक्ष झाङसँगै छु जिन्ली, लि सुइ, लि छिङमिङ, छेङ जिउ, वाङ याकुन, जिओ जनजी रहेका छन् ।
नेपाल उद्योग परिसंघको निमन्त्रणमा नेपाल आएको चिनियाँ व्यापारीहरुको टोलीले नेपाल-चीनबीच व्यापारिक सहकार्यको विषयमा बिस्तृत छलफल गर्ने कार्यक्रम छ । सन् १९५२ मा स्थापित सीसीपीआईटी राष्ट्रिय विदेशी व्यापार तथा लगानी प्रवर्द्धन गर्ने संस्था हो ।
ट्रेन्डिङ पोस्ट
टिप्पणीहरू