‘फ्री कल’ को प्रलोभनमा नपर्न टेलिकमको सूचना

नेपाल टेलिकमले फ्रि कल उपलब्ध गराइरहेको भनी विभिन्न सामाजिक सञ्जालमार्फत गलत सन्देश प्रवाहित भैरहेकाले यसप्रति सचेत रहन अनुरोध गरेको छ । 

आज सूचना प्रकाशित गर्दै टेलिकमले फेसबुक र म्यासेन्जर, ह्वाट्सएप तथा अनलाइनलगायतका सामाजिक सञ्जालमार्फत गलत प्रकारका सन्देशहरु प्रवाहित गरेको पाइएकोले सचेत रहन भनेको हो । 

सूचनामा भनिएको छ, ‘नेपाल टेलिकमले फ्रि कल उपलब्ध गराइरहेको’ भनेर विभिन्न फेसबुक ग्रुप र म्यासेन्जर, ह्वाट्सएप तथा अनलाइन लगायतका सामाजिक सञ्जालमार्फत गलत प्रकारका सन्देशहरु प्रवाहित गरेको पाइएकोले यसप्रति सचेत रहन सबैमा हार्दिक अनुरोध छ ।’

साथै, विभिन्न प्रकारका भ्वाइस तथा डाटा प्याकमार्फत उपलब्ध हुने कल बाहेक कम्पनीले अन्य कुनैपनि प्रकारको फ्रि कल उपलब्ध नगराएको समेत टेलिकमले जानकारी गराइएको छ । 

कम्पनीको आधिकारिक वेबपेज, एप, ब्लु टिकसहितको आधिकारिक फेसबुक र ट्विटरलगायतका सामाजिक सञ्जालमा भएका सूचनालाई आधार मानेर त्यसैअनुसार कम्पनीका सेवाहरुको बारेमा अद्यावधिक हुने पनि टेलिकमको भनाई छ ।

यो पनि :