विजेता क्रिकेट खेलाडीलाई बालुुवाटारको निम्तो

प्रधानमन्त्री पुष्पकमल दाहाल प्रचण्डले हिजो कीर्तिपुरमा भएको अन्तर्राष्ट्रिय म्याच जितेका क्रिकेट खेलाडीहरुलाई बालुवाटार बोलाउनुभएको छ । उनीहरुलाई बधाई दिन प्रधानमन्त्रीको सरकारी निवास बालुवाटारमा बिहान ९ बजे आमन्त्रण गरिएको बताइएको छ ।

बिहान ९ बजे बालुवाटारमा खेलाडीहरुलाई बधाई तथा शुभकामना दिने कार्यक्रम रहेको प्रधानमन्त्रीको सचिवालयले पुष्टि गरेको छ । विश्व क्रिकेट लिग २ मा हिजो युएईलाई पराजित गरेपछि नेपाली टोली विश्वकप छनोट चरणमा प्रवेश गरेको छ । प्रधानमन्त्री प्रचण्ड हिजो बिहान खेल हेर्न त्रिवि खेल मैदान पुग्नुभएको थियो ।